Ковид-19 халдварын тохиолдол сүүлийн долоо хоногт 3000 давах болсон. Хичээл, сургуулийн үйл ажиллагаа нэмэгдсэнтэй холбогдуулан халдварын тоо нэмэгдэж байна. Мөн хөдөө орон нутагт халдвар тархаж байгаа нь найр, хурим их болж байгаатай холбоотой. Хамгийн сүүлд гэхэд Баянхонгор аймагт найр хийснээс үүдэн нэг дор 39 тохиолдол бүртгэгдсэн гэх мэдээлэл иржээ. Хүн амын дунд дэлгүүр худалдааны төв, эмийн сан хооронд хөл хөдөлгөөн хамгийн их буюу 154 хувьтай байна  Халдварын нөхцөл байдлын талаарх  урьдчилсан таамаглалаар нийслэлд ирэх 14 хоногт өдөрт бүртгэгдэх халдварын тоо 900 давах тооцоолол гарсан талаар ЭМЯ-аас мэдээллээ. Улмаар УОК-ын дэргэдэх Эрдэмтдийн зөвлөлөөс аймаг, орон нутгийн удирдлагуудад хурим найр зохион байгуулахыг хориглох шийдвэр гаргах үүрэг өглөө.