Малын шилжилт хөдөлгөөнийг хянах, зогсоох байнгын пост ажиллуулна

269

Баянхонгор аймгийн Онцгой комисс энэ сарын 14-нд хуралдаж, шүлхий өвчний тархалт, өнөөгийн нөхцөл байдал, шийдвэрлэх асуудлуудыг хэлэлцлээ.
Хуралдаанаар аймгийн эдийн засаг нийгэм, малчдад томоохон эрсдэл үүсгэж болзошгүй тус өвчинтэй тэмцэх ажлыг шуурхайлах үүднээс дархлаажуулах ажилд шаардлагатай 70 сая төгрөгийг Засаг даргын нөөц хөрөнгөөс гаргахаар батлав.
Мөн малчид үнэн бодит мэдээллээ нуун дарагдуулж илүү их эрсдэл үүсгэж болзошгүй байгаа тул мэдээллийг зөв тогтоож, бодит баримт судалгаан дээр үндэслэн эрсдэлийг тооцоолох үүднээс Тагнуул, Цагдаа, Мал эмнэлгийн бүрэлдэхүүнтэй гурван ажлын багийг “Шүлхий өвчнөөс урьдчилан сэргийлэх, яаралтай дархлаажуулах” ерөнхий ажлын хэсгийн дор байгууллаа.

Аймгийн хэмжээнд /аймгийн төв, сумдад/ шаардлагатай цэгүүд дээр малын шилжилт хөдөлгөөнийг хянах, зогсоох байнгын ажиллагаатай постууд ажиллуулж, бүх суманд малын шилжилт хөдөлгөөнийг бүрэн хориглов.
Мөн АОК-оос малчдыг шүлхий өвчинтэй тэмцэх үйл ажиллагаанд татан оролцуулж хамтын хараа хяналт, хариуцлагын тогтолцоо, оролцоог бий болгох чиглэлийг 20 сумын Онцгой комиссын дарга гишүүдэд даалгалаа.

Түүнээс гадна аймгийн Онцгой комиссоос Олон улсын хорио цээрт уг өвчинтэй тэмцэхэд улсын Онцгой комиссоос дэмжлэг үзүүлэхийг хүссэн албан хүсэлтийг Монгол Улсын Шадар сайдад яаралтай хүргэхээр тогтов. 
Иймээс малчдад мал сүргийн шилжилт хөдөлгөөн хийхгүй, өөрийн мал сүргээ бусад айл өрхийн мал сүрэгтэй нийлүүлэхгүй, мал сүргээ байнгын хариулгатай маллахыг аймгийн Онцгой комиссоос анхааруулж, зөвлөв.




скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд BAYANKHONGOR.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
Bayankhongor.nutag.mn