Баянхонгор аймгийн Баянцагаан сумын Цэцэн багийн “Баян-Аараг” гэдэг газар 50 настай малчин З /эрэгтэй/ өчигдөр /2020.12.21/ 13:00 цагийн үед явганаар малаа хариулахаар яваад сураггүй болжээ. Энэ талаар 22:30 цагт дуудлага өгч, тус сумын аймгийн Онцгой байдлын газрын Баянцагаан сум дахь Эрэн хайх, аврах бүлгийн алба хаагчид, сумын цагдаагийн хэлтэс, орон нутгийн иргэд 22:38 цагаас эрэн хайх ажиллагааг эхлүүлсэн байна. Улмаар малчныг мөн өдрийн 23:00 цагт гэрээс нь урд зүгт 3 км зайтай иргэн Б-ийнхээс эсэн мэнд олжээ.