Баянхонгор аймгийн Хүрээмарал, Бууцагаан сумын нутагт өчигдөр /2024.08.13/ хүчтэй аадар бороо орсны улмаас Бууцагаан сум болон Говь-алтай аймгийн Дэлгэр сумын зааг нутагт гэнэтийн үер бууж, автозам усанд автжээ. Үерийн улмаас Баянхонгор-Говь-Алтай чиглэлийн 130-133 км дэх Байдрагийн гүүрийн далан гэмтэж зорчих хөдөлгөөн саатсан байна.

Тиймээс баруун аймгийг зорьж буй жолооч тээвэрчид, аялагчид Баянхонгор аймаг, замын сумдаас энэ орчмын замын нөхцөл болон цаг агаарыг судалж замд гарахыг анхааруулж байна.