"Баянхонгор Тохижилт үйлчилгээ" ОНӨААТҮГ-т автомашины парк шинэчлэлт хийлээ. Тодруулбал, Doosan маркийн дугуйтай экскаватор, 5 тонныг өргөх механизм бүхий тэвштэй автокранаар автопаркаа өргөтгөжээ.

Аймгийн ЗДТГ-ын хоблогдох албадын төлөөлөл автомашины түлхүүрийг "Баянхонгор Тохижилт үйлчилгээ" ОНӨААТҮГ-ын захирал Т.Отгонбаатар, жолооч нарт хүлээлгэн өгсөн юм.

Тус байгууллагад өмнөх жилүүдэд автомашины парк шинэчлэлт хийгээгүй бөгөөд энэ жил орон нутгийн дэмжлэгтэйгээр усны машин, мотоцикил зэрэг автомашин техник хэрэгслүүдээр хангажээ. Ийнхүү нэн шаардлагатай байсан автомашинуудыг гардуулснаар байгууллагын ажил үйлчилгээ илүү сайжирч, түргэн шуурхай үйлчилгээг үзүүлэх боломжтой болж байгааг тус байгууллагын ажилчид хэлж байв.