Урлаг - Баянхонгор аймаг

Урлаг - Баянхонгор аймаг http://bayankhongor.nutag.mn/ ru Урлаг - Баянхонгор аймаг DataLife Engine Буяны сугалаагаар Пикассогийн бүтээлийг хожих боломжтой http://bayankhongor.nutag.mn/index.php?newsid=2603 http://bayankhongor.nutag.mn/index.php?newsid=2603
ПАРИС, 2026 оны дөрөвдүгээр сарын 13 /Kazinform/. Алдарт Пабло Пикассогийн бүтээлийг 100 еврогоор хожих ховорхон боломжийг олгох буяны сугалааг Францад зохион байгуулах гэж байгаа бөгөөд цугласан орлогыг Альцгеймер өвчний судалгааг санхүүжүүлэхэд зарцуулах ажээ.

Сугалааны тохирол дөрөвдүгээр сарын 14-нд Christie's дуудлага худалдааны ордонд болно. Сугалааны гол шагнал нь зураачийн 1941 онд туурвисан "Tête de Femme" (Эмэгтэй хүний нүүр) хэмээх бүтээл юм.

Энэ бол анх удаа хэрэгжүүлж буй төсөл биш юм. 2013 онд "1 Пикассог 100 еврогоор" гэдэг буяны сугалаагаар АНУ-ын гал түймэртэй тэмцэх албаны нэгэн ажилтан алдарт зураачийн "Дуурийн малгайтай хүн" гэдэг бүтээлийг (1914 он) хожиж байжээ. Мөн 2020 онд зохион байгуулсан сугалаанд Италийн нэгэн эмэгтэй азтан болж, Пикассогийн натюрморт зургийг хожиж байжээ.

Урьд нь сугалаанд тавигдсан нэгэн бүтээлийг хадгалж байсан цуглуулагч Дэвид Нахмадын хэлснээр, зураач өөрөө ийм санаачилгыг дэмжих байсан гэнэ. Пикассо амьд ахуйдаа зургуудаа танилууддаа бэлэглэх дуртай байсан төдийгүй урлагийг олон нийтэд хүртээмжтэй болгохыг эрмэлздэг байсныг тэрбээр онцолжээ.

Парис хотын тэргүүлэх улсын эмнэлгүүдийн дэргэдэх Альцгеймер өвчний судалгааны сангаас уг сугалааг зохион байгуулж байгаа ажээ. 2004 онд байгуулагдсан тус сан энэ өвчний судалгаанд хөрөнгө оруулдаг Франц дахь хамгийн том хувийн санхүүжүүлэгч болжээ. Зургийг сугалааны тохирол болохоос өмнө Christie's галерейд дэлгэн үзүүлэх ажээ. Нийтдээ 120 мянган тасалбар худалдаж, 12 сая евро цуглуулахаар төлөвлөж байна. Үүнээс 1 сая орчим еврог уг бүтээлийг эзэмшдэг Opera Gallery авна. Өмнөх хоёр сугалаагаар нийт 10 гаруй сая евро цугларсныг Ливан болон Африкийн орнуудад хэрэгжүүлж буй соёл, хүмүүнлэгийн төслүүдэд зарцуулжээ.

Д.Жаргал

Эх сурвалж: "Монцамэ" агентлаг

]]> zulaa Mon, 13 Apr 2026 14:11:01 +0800 Нэг цард хоёр хөгжмийг бүтээсэн зэмсэг Баянхонгорын музейд хадгалагдаж байна http://bayankhongor.nutag.mn/index.php?newsid=2468 http://bayankhongor.nutag.mn/index.php?newsid=2468

Баянхонгор аймгийн Түүх, угсаатны зүйн музейд өөр өөрийн хийцээрээ ялгаатай зургаан морин хуур хадгалагдаж байна. Энэ удаад өвөрмөц хийц бүхий хоёр морин хуурыг онцлон танилцуулъя.

Хос хуур

Нэг царан дээр хоёр хөгжмийг бүтээсэн буюу урдаа морин хуур, ардаа хуучир хөгжимтэй урласан хөгжмийн зэмсэг нь тус музейн онцлох үзмэрийн нэг. Хар морины толгой, амаа ангайж байгаа лууны толгой, их биед алхан хээ, хамар угалз, өлзий утас зэрэг хээг эргэн тойронд будаж хээлсэн 2 татлагатай хуур. Тус бүтээл Дугарын Баньдүү, Чин сүжигт Номун ханы зургаадугаар дүр Галсан-Ёндон нарын хамтын бүтээл бөгөөд XX зууны дунд үед хамаарна.

Хөгжмийн урт нь 114 см, 2 кг орчим жинтэй. Царын урт нь 31 см, өргөн нь 25 см, зузаан нь 7.2 см бол хуучир хөгжмийн урт нь 79 см, өргөн нь 10.5 см, зузаан нь 9 см.

Материал: Мод, холст тосон будаг

Гурван толгойтой морин хуур

Өнгө бор, ногоон, гурван морины толгойн дүрстэй өвөрмөц хийцлэлтэй морин хуур аймгийн музейд хадгалагдаж байна. Хуур нь хаан бугуйвч, хатан сүйх сийлсэн дэл сүүлэн чавхдастай, чихийг нь шанз хөгжмийн чихээр орлуулж хийсэн.

Тус морин хуурыг Баянбулаг сумын харьяат Соёлын төвийн эрхлэгч байсан Г.Лхамсүрэн урласан бөгөөд 1982 оны дөрөвдүгээр сарын 2-ны өдөр аймгийн музейд үзмэр болгон авсан түүхтэй.

Морин хуурын урт нь 119 см, жин нь 1725 гр, царын өндөр 30.5 см бол өргөн нь 28.5 см, зузаан нь 9 см байна.

Материал: Мод, шир, холст тосон будаг

Морин хуур нь өнө удаан түүхтэй, Монгол үндэстний хөгжмийн зэмсэг. Тэртээ XIII зууны эхэнд дэлгэрсэн гэж үздэг бөгөөд монголчууд суурьшсан ихэнх нутагт уг хөгжмийн зэмсгийг морин хуур гэж нэрлэж байхад, ӨМӨЗО-ын нутагт цоор гэж нэрлэх нь бий.

2002 онд Монгол Улсын Ерөнхийлөгч морин хуураа дээдлэн дэлгэрүүлэх зарлиг гаргаж, монгол айл гэр, албан байгууллага бүхэн хойморьтоо морин хуураа залж дээдлэн хүндэтгэх болсон. Морин хуурыг 2003 онд ЮНЕСКО дэлхийн соёлын өвд бүртгэн авсан байдаг.

]]> zulaa Mon, 29 Sep 2025 13:34:30 +0800 Хаан галерейд үзэсгэлэн гаргах уран бүтээлчдийг сонгон шалгаруулна http://bayankhongor.nutag.mn/index.php?newsid=2375 http://bayankhongor.nutag.mn/index.php?newsid=2375

Монголын дүрслэх урлаг, уран бүтээлчдийг дэмжих эрхэм зорилгын хүрээнд ХААН Банк 2007 онд дэргэдээ ХААН галерейг байгуулж, уран бүтээлчдэд үзэсгэлэнгээ үнэ төлбөргүй олон нийтэд толилуулах боломж олгож ирсэн билээ.

Энэхүү санаачилгыг үргэлжлүүлж, 2025-2026 онд ХААН галерейд үзэсгэлэн гаргах хүсэлтэй уран бүтээлчдийн төслийг сонгох сонгон шалгаруулалт зарлаж байна.

Сонгон шалгаруулалтад оролцох хүсэлтэй уран бүтээлчид ХААН Банкны 5000000015 тоот дансанд 5,000 төгрөгийг эргэн төлөгдөхгүй нөхцөлтэй тушааж /Гүйлгээний утга дээр DPR-25-0529 дугаарыг заавал бичнэ/, баримтыг албан бичгийн хамт ХААН Банк цамхгийн ресепшинд битүүмжлэн өгч сонгон шалгаруулалтын өгөгдөл, бусад мэдээллийг авна уу.

Материалыг 2025 оны 5-р сарын 9-ний өдрийн 17:00 цаг хүртэл хүлээн авах бөгөөд зөвхөн шалгарсан уран бүтээлчдэд хариу мэдэгдэх болно.

Жич: Сонгон шалгаруулалттай холбоотой мэдээллийг bidding@khanbank.com хаягт хандаж авна уу.

Хаяг: ХААН Банк цамхаг, Чингисийн өргөн чөлөө-6, Стадион Оргил-1, ХУД -15 хороо, Ш/Х-192, Улаанбаатар-17010

]]> zulaa Thu, 01 May 2025 15:52:06 +0800 Бодит байдлыг харах “тусгай шил”-ээр “Stereotype” үзэсгэлэнг тольдоорой http://bayankhongor.nutag.mn/index.php?newsid=2304 http://bayankhongor.nutag.mn/index.php?newsid=2304

Бидний эргэн тойронд байж л байдаг сандал, ширээ, түлхүүр, хүүхдийн тоглоом... Аль хэдийнээ нүдэнд дасаж, онцгойлон “өртөхөө” ч больж, анхнаасаа ийм л байх ёстой мэт хүн бүр хүлээн зөвшөөрчихсөн. Сандал бол ийм, ширээ бол ийм. Энэ бүгд яг энэ хэвээрээ л байх ёстой гэсэн бодол. Яг ийм замаар бидний дотор хэвшмэл ойлголт буюу стереотип үүсдэг.

Өөрөөр хэлбэл, стереотип нь тодорхой бүлэг хүмүүс, үзэгдэл эсвэл юмсын талаарх өнгөц хэр нь нийтлэг ойлголттой байхыг хэлдэг. Гэхдээ эдгээр нийтлэг тодорхойлолт яагаад бий болсон, эсвэл бий болох боломжтой талаар бидний өдөр тутам хэрэглэдэг энгийн эд юмсыг төлөөлүүлэн уран бүтээлч А.Болормаа “Stereotype” үзэсгэлэндээ онцолжээ.

Энэ нь түүний эх орондоо гаргаж буй анхны бие даасан үзэсгэлэн бөгөөд ХААН галерейд 2-р сарын 15-нд нээлтээ хийсэн юм. Үзэсгэлэнд дэлгэсэн бүтээлүүдийн хувьд Монголд сүүлийн жилүүдэд тун ховор хийгдэж буй өнгөт модон бар, хулдаасан бар болон холимог техникээр бүтсэн, интерактив гэдгээрээ онцлогтой.

А.Болормаа нь СУИС-ийн Дүрслэх урлагийн академийг график зургийн чиглэлээр суралцаж төгсөн, Норвеги улсын Агдерийн их сургуульд урлаг судлалаар магистрын зэрэг хамгаалсан. Мөн Норвегийн Берген хотын Дүрслэх урлагийн академийн мэргэших сургалтад суралцан, олон төрлийн уран бүтээлийн арга техник эзэмшсэн уран бүтээлч бөгөөд 2018 онд Монголд ирснээсээ хойш Дүрслэх урлагийн академид багшаар, 2025 онд СИТИ их сургуулийн Архитектур дизайны сургуулийн График дизайны тэнхимийн эрхлэгчээр ажиллаж буй юм.

Тэрбээр үзэгчдийн оролцоотой, анаглиф арга техникийг ашиглан тогтсон стереотип, нийтлэг ойлголт, хязгаарлагдмал дүрслэлийг давсан бодит байдал, олон талт үзэл баримтлал бий гэдгийг бүтээлээрээ дамжуулан илэрхийлэхийг зорьжээ.

Бодит байдал нь олон талт, хувь хүний онцлог, нөхцөл байдлыг агуулсныг угтаа бид дотроо мэдэж байдаг ч ихэнхдээ санаж сэрэх, мэдрэхээ умартан урагшилсаар байдаг. Зүйрлэвэл яг л энэхүү үзэсгэлэнгийн танхимд буй улаан, цэнхэр өнгийн нүдний шил зүүчхээд тайлж бодит байдлыг харахын оронд улам бүр цааш алхах мэт. Эсвэл эсрэгээрээ бидэнд бодит байдлыг харах “тусгай шил” дутсан ч байж болох юм.

Бага насны хүүхдүүдэд үсэг цээжлүүлэхэд хэрэглэдэг зурагтай карт байдгийг та санаж байна уу? Аяганы зураг үзүүлээд аяга гэхэд ордог “А” гээд цээжилдэг. Тэгвэл тэр а үсэг ердөө л үгэнд нь байдаг л үсэг болохоос аягыг бүхэлд нь илэрхийлэхгүй шүү дээ. Энгийн нэг үсгээс гадна өөр үсгүүд нийлж байж л аягыг, шоог эсвэл морь гэсэн бүтэн утга бүтээдэг.

Юмсыг эсвэл хүмүүсийг ч гэлтгүй та өөрийгөө, бодол, мэдрэмжээ шинээр танин мэдвэл ямар сонирхолтой байх бол? Нялх хүүхэд юмс үзэгдлийг ажиглан судлан мэдэрч хүртэж байж танин мэддэгтэй адил та ч дотоод хүүхдээ сэрээн эргэн тойрноо, дэргэдэх хүмүүсээ үгүй бүр танихгүй хүмүүсийг ч, өөрийгөө ч шинээр танин мэдэх зорилгоор фильтер бүхий нүдний шилээ тайлаад юмсын жинхэнэ өнгийг харна уу.

“Stereotype” үзэсгэлэн ХААН Банк цамхгийн 3-р давхарт байрлах ХААН галерейд 2025 оны 2-р сарын 28-ныг дуустал ажлын өдрүүдэд 09:00-18:00 цагийн хооронд үнэ төлбөргүй нээлттэй бөгөөд урлаг сонирхогч та бүхнийг хүрэлцэн ирэхийг урьж байна.

]]> zulaa Tue, 25 Feb 2025 20:48:54 +0800 “Монгол хаан” жүжиг ирэх онд Япон Улсад тоглоно http://bayankhongor.nutag.mn/index.php?newsid=2137 http://bayankhongor.nutag.mn/index.php?newsid=2137

Сингапурын Марина Бэй Сэндст театраас Азийн аялан тоглолтоо амжилттай эхлүүлээд буй “Монгол хаан” жүжиг ирэх онд Япон Улсад тоглохоор болжээ. “Монгол хаан” жүжгийн баг Японы соёлын тэргүүлэх компаниудын нэг Tremendous Entertainment компанитай гэрээ байгуулж, 2025 оны сумогийн Аки башё, Кюшү башё хоёрын дундуур 10-р сарын 10-20-нд Токио хотод, 10-р сарын 24-26-нд Нагояа хотод жүжгээ тоглохоор болсон байна. Саяхан тус жүжгийн уран бүтээлчид Японд тоглох бэлтгэл ажлын хүрээнд сурталчилгааны зураг авалтуудаа Фүжи уул, Асакуса зэрэг газруудад хийжээ. Олон улсын театрын урлагийн мэргэжлийн шүүмжлэгчдээс 4-5 одын үнэлгээ авсан “Монгол хаан” жүжгийн Япон дахь тоглолтын Монгол талын продюсерээр Рюүо Э.Санчирболд, Япон талын продюсерээр Tremendous Entertainment компанийн ерөнхий менежер Масаюүки Сузуки нар ажиллах аж. “Монгол хаан” жүжиг 2023 онд Лондон хотын Колизум театрт 17 удаа тоглож, 42,000 гаруй үзэгчдэд тоглолтоо толилуулсан бол энэ онд жилд 45 сая хүн зочилдог Сингапурын Марина Бэй Сэндс театрт 22 удаа амжилттай тоглож, 30,000 гаруй үзэгчдэд хүргэсэн. “Монгол хаан” жүжгийн Сингапур дахь тоглолтыг АНУ, БНХАУ, Япон, БНСУ, Турк, Арабын булангийн орнууд, Их Британи, Австрали зэрэг улсын продюсинг 10 орчим компани ирж үзэж, 2025-2026 оны аялан тоглолтын санамж бичгүүдийг үзэглэсэн. Тэгвэл энэхүү санамж бичгүүдийн дагуу Азийн аялан тоглолтын дараагийн зах зээл нь Япон боллоо. Ингэснээр эл жүжиг нь Монголын урлагийн зах зээлд олон улсаас хөрөнгө оруулалт татаж, зах зээлийн өрсөлдөх зарчмаар тоглодог жишиг болж буй юм. Мөн “Монгол хаан” комик номын япон хувилбарыг хэвлүүлж, Японы зах зээлд нэвтрэх ажил эхэлсэн байна.

]]> zulaa Sat, 30 Nov 2024 11:13:29 +0800 Squid Game-ийн найруулагч хангалттай ашиг олоогүй тул цувралаа үргэлжлүүлнэ http://bayankhongor.nutag.mn/index.php?newsid=2079 http://bayankhongor.nutag.mn/index.php?newsid=2079

БНСУ-ын Squid Game цувралыг үргэлжлүүлэх болжээ. Энэ талаар тус киноны найруулагч ВВС-д ярилцлага өгөх үедээ мэдэгдсэн байна.

2021 онд дэлгэцэд гарсан даруй Squid Game цуврал дэлхийн олон оронд алдаршсан юм. Гэвч эхний цувралыг бүтээх явцад кино найруулагч Hwang Dong-hyuk стресст орж, найман шүд нь унажээ.

Нэтфликс-ээр үзэгчдэд хүрсэн тус цувралд маш их хэмжээний бэлэн мөнгөний төлөө өрөнд баригдсан олон зуун хүн амь тэмцэн уралдаж буйг харуулдаг.

Найруулагч хоёр дахь цувралыг эхлүүлэх төлөвлөгөөгүй байжээ. Гэвч мөнгөний улмаас киногоо үргэлжлүүлэх болсон байна. Тэрээр эхний кино олон хүнд хүрсэн ч хангалттай мөнгө олоогүй гэж ярьжээ.

Эхний цуврал Нэтфликсийн хамгийн амжилттай кинонд тооцогдож байна. Тэгш бус байдлын харанхуй тайлбар болох киноны эхний цувралд бараг бүх дүр үхдэг. Иймд дараагийн цувралд бүхнийг эхнээс нь эхлүүлэх аж. Найруулагч “Баячуул ядуусын хооронд дайн гардаг байсан бол одоо үе хоорондын, үзэл бодлын зөрүүний улмаас дайн мөргөлдөөн гарах болов. Уур амьсгалын өөрчлөлт гэх мэт олон сорилт дэлхийд тулгарсаар. Би өмнөхөөсөө ч илүү гутранги болсон” гэжээ.

Эх сурвалж: BBC

]]> zulaa Wed, 13 Nov 2024 15:47:15 +0800 Эгэл амьдралтай зэрэгцэн орших ер бусын ертөнц ХААН галерейд нээгдлээ http://bayankhongor.nutag.mn/index.php?newsid=2059 http://bayankhongor.nutag.mn/index.php?newsid=2059

Монголын нэрт сюрреалист уран бүтээлч, Соёлын гавьяат зүтгэлтэн Ц.Энхжаргал болон түүний шавь У.Батцоож нарын хамтарсан “Завсрын ертөнц” үзэсгэлэн ХААН галерейд нээгдлээ.

Нийгэм, өдөр тутмын амьдралын эгэл мөчүүдийг нарийн мэдэрч, түүнийг бүтээлдээ тусгадгаараа олонд танигдсан Ц.Энхжаргал зураач энэ удаа баяр баясал, гуниг зовлон хүний дотоод ертөнцөд хэрхэн нөлөөлж, шинэ утга, мэдрэмжийг бий болгодгийг илэрхийлэхийг зорьжээ. Хүмүүний амьдралтай зэрэгцэн орших далд ертөнцийг урлагийн хэлээр харуулсан энэхүү бүтээлүүд нь үзэгчдэд ер бусын мэдрэмж, гүн бодрол төрүүлэх нь дамжиггүй. Ц.Энхжаргалын уран бүтээлүүд нь бодит байдал болон төсөөллийн ертөнцийн заагийг илтгэдэг бөгөөд үзэгчдийг өөрийн эрхгүй дотоод сэтгэл рүүгээ гүн гүнзгий өнгийхөд хүргэдэг.

Харин У.Батцоожийн хувьд зүүдний мэт атлаа сэтгэлд ойр, энгийн боловч ер бусын хотын амьдралыг харуулсан бүтээлүүд туурвижээ. Тэрбээр Улаанбаатар хотын гадаад дүр төрхөөс илүү түүний дотоод мөн чанар, оршихуйг илэрхийлсэн бүтээлүүдээ дэлгэсэн нь үзэгчдэд параллель ертөнцөд нэвтэрч буй мэт мэдрэмж төрүүлэх аж. Мөн хотын өдөр тутмын амьдралыг хөндлөнгөөс ажиглан Улаанбаатарын гүнд нуугдсан ер бусын гоо сайхныг илэрхийлэхийг зорьсон байна. Түүний бүтээлүүд зүүд ба бодит амьдралын хил хязгаарыг бүдгэрүүлж, эдгээр хоёр ертөнцийн заагт орших мэдрэмжийг үзэгчдэд мэдрүүлэх болно.

“Завсрын ертөнц” үзэсгэлэн 2024 оны 10-р сарын 31-нийг дуустал ажлын өдрүүдэд 09:00-18:00 цагийн хооронд ХААН галерейд үнэ төлбөргүй гарч буй бөгөөд далд ертөнцийн заагт нэвтрэхийг хүссэн хүн бүхэнд нээлттэй. Та урлаг сонирхдог бол үзэсгэлэнд хүрэлцэн ирснээр өөрийгөө танин мэдэх, амьдралын утга учрыг эргэцүүлнэ гэдэгт итгэлтэй байна. Таныг завсрын ертөнцөд морилон саатахыг хүсье.

]]> zulaa Tue, 29 Oct 2024 11:51:53 +0800 Netflix Өмнөд Солонгосын зах зээлд ноёрхсоноор жүжигчид ажилгүй болж эхэлжээ http://bayankhongor.nutag.mn/index.php?newsid=2038 http://bayankhongor.nutag.mn/index.php?newsid=2038

Өмнөд Солонгосын кино урлаг уналтад орж, жүжигчид ажилгүй болж байгаа тухай салбарынхан мэдээлжээ. Энэ нь Netflix дотоодын зах зээлд нэвтэрч, асар их төсвөөр кино бүтээлд хөрөнгө оруулах болсон нь бусад кино компаниудын хувьд сүйрэл дагуулж эхэлсэн байна.

Тус улсад жилд 135 орчим кино бүтээл, жүжиг тавигддаг байсан бол энэ тоо огцом буурч 100-с доош тоонд хүрчээ. Мөн нээлтээ хийхээр хүлээгдэж буй кино төслүүд нэмэгдэх болсон бөгөөд өргөн нэвтрүүлгийн телевизүүдийн орлого ч мөн буурч эхэлжээ. Энэ нь хэвлэл мэдээллийн салбарынханд хүнд тусаж, дампуурлын ирмэгт ирээд буйг мэргэжилтнүүд онцолсон байна.

Үүний сацуу А зэрэглэлд багтах жүжигчдэд киноны санал тэр бүр ирэхээ больсон тухай жүжигчин Ким Ха Ныл "Өмнө нь надад маш олон киноны санал ирдэг байсан. Би хэсэг завсарлага авсан, эсвэл амралттай байгаа гэх хариу өгдөг байлаа.

Харин одоо бол жүжигчдэд тэр бүр кинонд тоглох боломж олдохоо больсон. Кино зохиол унших санал ирнэ гэдэг маш үнэ цэнтэй зүйл болсон" гэжээ.

Жүжигчин Гу Хён Жон мөн энэ тухай "Надад ямар ч дүрийн санал ирэхгүй байгаа. Би гол дүр байх эсэх нь хамаагүй, тэр байтугай үзэгдээд өнгөрөх төдий дүр байсан ч хамаагүй цалингаа бууруулж тоглоход бэлэн байна" хэмээсэн байна.

Саяхан болж өнгөрсөн хэлэлцүүлгийн үеэр профессор И Хон Ёль "Netflix зэрэг платформуудын асар өндөр зардлаар хийж буй бүтээлүүд нь энэ салбарт өрсөлдөж буй бусад уран бүтээлчдийг оршин тогтнохын тулд контент бүтээхээ багасгахад хүргэсэн. Үүний дүнд драманы тоо эрс буурч байгааг бид харж байна. Мөн энэхүү платформуудад сонгогдсон цөөн хэдэн уран бүтээлчид л мөнгө олж байна" гэжээ.

Энэхүү мэдээ цацагдсаны дараа тус улсын интернэт хэрэглэгчид жүжигчдийг цалингаа бууруулахыг шаардаж эхэлжээ. Тус улсын А зэрэглэлийн жүжигчид нэг кинонд хэдэн зуун саяаас тэрбум хүртэлх воноор тоглодог бөгөөд кино бүтээх зардлыг дийлэнхийг жүжигчдэд зарцуулж буйг шүүмжилсэн байна.

]]> zulaa Tue, 08 Oct 2024 18:13:45 +0800 RAIN-ийн тоглолтын тасалбар авахад 50% буцаан олголттой http://bayankhongor.nutag.mn/index.php?newsid=2002 http://bayankhongor.nutag.mn/index.php?newsid=2002
БНСУ-ын супер од Rain, Sandara Park, Bloo нарын тоглолтын тасалбарыг худалдан авахад 50%-ийн буцаан олголт өгнө гэвэл та итгэх үү? ХААН Банк энэхүү гайхалтай боломжийг харилцагчдадаа олгож байна.
Та тоглолтын тасалбарыг зөвхөн маргааш буюу 2024 оны 9-р сарын 10-ны өдрийн 12:00-00:00 цагийн хооронд Digi Pay аппликэйшн доторх Shoppy.mn мини апп-аар худалдан аваарай.
Буцаан олголтын нөхцөл:

Буцаан олголт авахын тулд Digi Pay аппликэйшн доторх “Үйлчилгээ” цэсний Shoppy.mn мини апп-аар худалдан авалт хийх шаардлагатай.
Нэг харилцагчид өгөх буцаан олголтын дээд хэмжээ 100,000₮ байна.

Буцаан олголтын хугацаа:

Буцаан олголт 2024 оны 9-р сарын 13-ны өдөр таны данс руу шилжин орно.

Digi Pay аппликэйшнийг дараах холбоосоор татаж авна уу: https://bit.ly/Digi_Pay
Санхүүгээ хэмнэхийн зэрэгцээ Солонгосын супер оддын тоглолтыг үзэх алтан боломжийг та битгий алдаарай!
Хамтын өсөлт төгөлдөр – ХААН Банк]]> khulan Mon, 09 Sep 2024 18:24:50 +0800 Зураач А.Чадраабалын “Infinite Source” үзэсгэлэн ХААН Галерейд дэлгэгдлээ http://bayankhongor.nutag.mn/index.php?newsid=1998 http://bayankhongor.nutag.mn/index.php?newsid=1998

ХААН Галерейд зураач А.Чадраабалын "Infinite Source" бие даасан уран бүтээлийн үзэсгэлэн нээлтээ хийлээ. Энэхүү үзэсгэлэн нь хүн төрөлхтний хувьсан өөрчлөлтийн гайхамшиг, нүүдэлчдийн ахуй соёл, уламжлал бүхий бүтээлүүдийг дэлгэн харуулж буйгаараа онцлогтой.

Удам дамжсан зураач А.Чадраабал нь уран бүтээл бүрдээ монголчуудын өв соёл, ёс заншлыг гүн гүнзгий шингээдэг ба байгаль болон эцэг малын дүр төрхийг онцгойлон харуулдгаараа олноо танигдсан юм.

"Infinite Source" үзэсгэлэнд цаг хугацаа, орон зай, технологийн хурдацтай хөгжлийн нарийн төвөгтэй шинж чанарыг оюунлаг хүн төрөлхтөнтэй зэрэгцүүлэн дүрсэлжээ. А.Чадраабал үзэсгэлэнгийнхээ талаар "Миний зургууд ухаант хүний оюуны хүчийг шинэ эринд авчран, ертөнцийн талаарх ухаарал, гэгээрэл, сансрын эрчим, гэгээн мэдрэмжийг тусган харуулахыг зорьдог" хэмээн танилцуулсан байна. Тэрээр энэхүү бүтээлүүдийнхээ санааг дэлхийг тойрон өөрийн үзэсгэлэнгүүдээ туурвих явцдаа олж нээсэн аж. Тиймдээ ч тухайн газар орны байгалийн онцлог, оршин суугчдын соёл, ёс заншлыг судлан, тэдгээрийг уран зурагтаа шингээжээ.

Энэхүү үзэсгэлэнд дэлгэгдсэн бүтээлүүд нь өнгө, хэлбэр, материалын өвөрмөц хослолыг ашиглан бүтээгдсэн нь үзэгчдийн анхаарлыг татаж байна. Зурагт дүрсэлсэн өнгөний солонгон хослол, хэлбэр дүрсний сонирхолтой зохицол нь урлаг сонирхогчдод гайхалтай мэдрэмж төрүүлж, оюун санааны эрчим хүч өгөх нь дамжиггүй.

"Infinite Source" үзэсгэлэн ХААН Банк цамхгийн ХААН Галерейд 2024 оны 8-р сарын 25-ныг дуустал ажлын өдрүүдэд 9:00-18:00 цагийн хооронд үнэ төлбөргүй нээлттэй бөгөөд урлаг сонирхогч та бүхнийг хүрэлцэн ирэхийг урьж байна.

Хамтын өсөлт төгөлдөр – ХААН Банк

]]> khulan Tue, 06 Aug 2024 17:09:16 +0800